Энергетика министрі: міндетін орындамаған инвесторлардан 4 млрд теңге өндіріп алдық

— 2025 жылы келісімшарттық міндеттемелердің орындалуына жүргізілген мониторинг нәтижесінде 17 млрд теңге көлемінде 167 хабарлама жолданып, бүгінгі күні шамамен 4 млрд теңге өндірілді, — деді ол.

Министр былтырдың өзінде 18 жер қойнауын пайдалану келісімшарты бұзылғанын атап өтті.

— Ол учаскелер электрондық аукцион немесе тікелей келіссөздер арқылы қайта үлестіріледі, — деді Ерлан Ақкенженов.

Бұған дейін Премьер-министр Олжас Бектенов жер қойнауын пайдаланушыларға айыппұлды доллармен есептеу мүмкін емес екенін айтқан болатын. 

Айта кетелік Shell Қазақстанда жұмысын жалғастыруға ниетті екенін жазған едік.