Энергетика министрі үш облыстағы автогаз қорына қатысты түсініктеме берді

АСТАНА, 21 қазан – Sputnik. Энергетика министрі Ерлан Ақкенженов үш облыстағы автогаз қорына қатысты түсініктеме берді, деп хабарлайды Sputnik Қазақстан тілшісі.

Қазіргі кезде Ақтөбе облысында автогаз құятын станцияларда көлік кептелісі бар деген ақпарат шықты. Министрдің айтуынша газ жағынан ешқандай тапшылық жоқ.

"Ақтөбеде сұйытылған газдың екі күндік қоры бар. Газды жеткізу жағынан да ешқандай проблема жоқ. Маңғыстау облысында да, Батыс Қазақстан облысында да солай", - деді Ақкенженов журналистерге берген сұхбатында.

Бұған дейін Маңғыстау облысында газ тапшылығына жеткізілімнің кешігуі ғана емес, кейбір кәсіпкерлердің жауапсыз әрекеттері де себеп болғаны айтылған болатын.