Еуроодақ Украина қауіпсіздігі жөнінде құжат ұсынды

Еуроодақ Украинаның қауіпсіздігін қамтамасыз ету жөнінде жаңа құжат жариялады. Оған Германия, Франция, Ұлыбритания, Италия, Солтүстік Еуропа елдерінің басшылары, сондай-ақ Еуропалық комиссия мен Еуропалық кеңес басшылары қол қойды. 

Құжатта Украина қарулы күштерін дамытуға қолдау көрсетуге басымдық берілген. Сарбаз саны бейбіт уақытта 800 мың адам деңгейінде сақталуға тиіс. Сонымен қатар Еуропа бастамасымен көпұлтты күштер құрылатыны мәлім болды. Ол АҚШ-тың қолдауымен құрылады. Әуеде және теңізде қауіпсіздікті қамтамасыз етуге қолдау көрсету, сондай-ақ АҚШ басшылығымен және халықаралық ұйымдардың қатысуымен атысты тоқтату режимін қадағалау жүйесін енгізу жоспарланған. Сондай-ақ елді қалпына келтіруге инвестиция құю және Украинаның Еуроодаққа мүше болуына қолдау көрсетілген.