Еуропа әлі де Ресеймен диалог жүргізгісі келмейді Песков

АСТАНА, 22 наурыз – Sputnik. Еуропа қиын жағдайда, бірақ әлі де Ресеймен диалог жүргізгісі келмейді және Украинадағы қақтығысты жалғастыруды қалайды, деп мәлімдеді Ресей президентінің баспасөз хатшысы Дмитрий Песков.

"Еуропа қарама-қайшылыққа толы, қиын жағдайда тұр, Ресеймен әлі де сөйлескісі келмейді, Украинадағы соғыстың жалғасқанын қалайды, бірақ оған қаржыны қайдан аларын білмейді", - деді Песков "Вести" агенттігінің авторы Павел Зарубинге берген сұхбатында.

Оның айтуынша, Еуропа мемлекеттерінің күн тәртібінде қазір энергия ақысын төлеу мәселесі бірінші орынға шыққан.

"Олар (еуропалықтар – ред.) қазір Украинадан гөрі газ, бензин және электр энергиясының ақысын қалай төлейтінін көбірек ойлап отыр", – деді Песков.