Еуропаның 20 елі ауғандарды депортациялау бойынша шұғыл шаралар қабылдауды талап етті

20 ел Еуропалық комиссиядан Еуропада заңсыз тұрып жатқан ауған азаматтарын ерікті не мәжбүрлі түрде қайтаруды талап етті. Бұл ретте "Талибанмен" келіссөздер жүргізу де қарастырылып отыр, - деп хабарлайды Tengrinews.kz тілшісі Euronews-ке сілтеме жасап.

20 ел Еуропалық комиссиядан Еуропада заңсыз тұрып жатқан ауған азаматтарын ерікті не мәжбүрлі түрде қайтаруды талап етті. Бұл ретте "Талибанмен" келіссөздер жүргізу де қарастырылып отыр, - деп хабарлайды Tengrinews.kz тілшісі Euronews-ке сілтеме жасап.

Босқындар мен көші-қон мәселелері жөніндегі Бельгия министрі Аннелен Ван Боссюйт бастаған бастамаға ЕО-ның 19 елі (Аустрия, Бельгия, Болгария, Кипр, Чехия, Эстония, Финляндия, Германия, Грекия, Венгрия, Ирландия, Италия, Литва, Люксембург, Мальта, Нидерланд, Польша, Словакия және Швеция), сондай-ақ ЕО-ға кірмейтін Норвегия қолдау білдірді.

ЕО елдерінің айтуынша, 2021 жылы "Талибан" билікке келгеннен бері Ауғанстанмен кері қабылдау туралы ресми келісімнің болмауынан, тіпті қылмыс жасағаны үшін сотталған ауғандарды да депортациялай алмау ЕО елдерінің қауіпсіздігіне қатер төндіреді және "баспана беру саясатына қоғамның сенімін әлсіретеді".

Олар Еуропалық комиссиядан ауғандарды қайтару мәселесін күн тәртібіндегі бірінші кезектегі тақырып етуін талап етті.

2021 жылы Ауғанстанда билікке "Талибан" келгеннен бері оларды заңды үкімет ретінде мойындаған жалғыз ел - Ресей.

Германия ауған босқындарын репатриациялау туралы "Талибанмен" келісім жасауға жақын болды; Ауғанстан азаматтары елдегі баспана іздеушілердің саны бойынша екінші ірі топ саналады. Шілдеде Фридрих Мерц үкіметі 81 ауғанды депортациялаған.

Алайда БҰҰ бұл қадамдарды сынаған. БҰҰ Босқындар ісі жөніндегі агенттігінің өкілі Равина Шамдасанидің айтуынша, Ауғанстан әлі де "қайтармау туралы ұсыным" (non-refoulement) аясында тұр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!