Еуропарламент АҚШ пен сауда келісімі бойынша жұмысты уақытша тоқтатты

Басылымның мәліметінше, депутаттар 17 наурыз күні кездесіп, Еуропарламенттің сауда жөніндегі профильдік комитетінде келісім бойынша дауыс беру күнін белгілеу мәселесін қайта қарамақ. Егер комитет келісімді қолдаса, құжат 25–26 наурыз күндері өтетін Еуропарламенттің жалпы отырысына шығарылып, түпкілікті ратификацияға ұсынылады.

Процесті тоқтату шешімі АҚШ президенті Donald Trump-тың Испанияға қарсы сауда эмбаргосын енгізу туралы қоқан-лоқы жасауынан кейін қабылданды. АҚШ басшысы Испанияның өз аумағында орналасқан әскери ұшақтарды Иранға соққы жасау үшін пайдалануға рұқсат бермегеніне наразылық білдірген.

Бұған дейін өткен жазда жасалған келісім Еуропалық одақтың америкалық тауарларға 15 пайыздық баж салығын қолдануын көздейтіні хабарланған болатын. Құжатты ратификациялау бұған дейін екі рет кейінге шегерілген болатын. Қаңтар айында Гренландияға қатысты жағдайға байланысты одан кейін ақпанда АҚШ әкімшілігі жаһандық кедендік баждарды 10 пайыздан 15 пайызға дейін көтеретінін жариялаған тұста шегерілді.

Айта кетейік, бұған дейін Еуропарламент Еуропадағы тұрғын үй дағдарысын еңсеруге кіріскенін жазған болатынбыз.