Фельдшер Ұлдананың өлімі: сотта тұрғын үй қасбетінің құлаған сәті көрсетілді

АСТАНА, 2 қыркүйек – Sputnik. Фельдшер Ұлдананың өлімі бойынша сотта тұрғын үй қасбетінің құлаған сәті көрсетілді, деп хабарлайды Sputnik Қазақстан.

Іс материалдарына сәйкес, 2025 жылы 8 қарашада сағат 10:26-да ғимараттың қаптама қасбеті опырылып түскен.

Прокурордың айтуынша, қасбеттің бөліктері құлағаннан кейін ауаға шаң көтерілген. Шаң сыртқы бейнебақылау камерасының көрінісін жауып қалған.

Қасбеттің тікбұрышты бөлігі оқиға орнына жақын жерде тұрған сұр түсті Chevrolet Cobalt көлігіне құлаған.

Камерадан металл қоршаудың ар жағында, екі ағаштың жанында ғимарат қасбетінің құлаған бөліктері көрінген.

Бұдан кейін 10:43-те оқиға орнына жедел жәрдем көлігі жеткен. Ал 10:49-да ТЖМ қызметкері көрініп, оқиға орнына қарай жүрген.

Айта кетері, айыпталушы тұрғын үйдегі мүлік иелері бірлестігінің (ОСИ) төрағасы Сәуле Жұбаниязоваға "міндеттеріне адал қарамау" бабы бойынша айып тағылып отыр.