Германия азаматтарының отбасы қаза тапқан ажалды ЖКО үшін қазақстандық сотталды

Солтүстік Қазақстан облысында сот жантүршігерлік жол апатына себепкер болған такси жүргізушісіне үкім шығарды. Оқиға салдарынан Германия азаматтары – әйел, оның әкесі мен күйеуі қаза тапқан, - деп хабарлайды Tengrinews.kz.

Солтүстік Қазақстан облысында сот жантүршігерлік жол апатына себепкер болған такси жүргізушісіне үкім шығарды. Оқиға салдарынан Германия азаматтары – әйел, оның әкесі мен күйеуі қаза тапқан, - деп хабарлайды Tengrinews.kz.

Жол-көлік оқиғасы 2025 жылғы қыркүйекте Қызылжар ауданындағы Петерфельд ауылы маңында болған. Оқиға орнынан түсірілген жантүршігерлік видео сол кезде әлеуметтік желілер мен мессенджерлерде тарап кеткен болатын.

Сотталушы - жалға алынған Chevrolet Monza автокөлігімен мобильді қосымша арқылы жеке тасымалмен айналысқан 29 жастағы ер адам. 1 қыркүйекте ол Мамлютка қаласына жолаушы апарып тастап, Петропавлға қайтып келе жатқан.

"Жол қозғалысы ережелерін өрескел бұзып, көлік тізгініне ие бола алмай қалған (Chevrolet Monza) жүргізушісі жолдың қарсы бетіне шығып кетіп, өз жолағымен келе жатқан Mazda CX5 көлігімен соқтығысқан. Соққыдан бағытынан тайып кеткен Mazda инерциямен қарсы бетке шығып, өз жолағында келе жатқан Lexus LХ570 көлігімен соқтығысқан", - делінген Солтүстік Қазақстан облысының қылмыстық істер жөніндегі мамандандырылған ауданаралық соты үкімінде.

Mazda көлігінде Германия азаматтары – ерлі-зайыпты, олардың қызы мен күйеу баласы болған. Олар Қазақстанға туыстарына қонаққа келген және сол күні Қарағандыдан Ресей шекарасына қарай бағыт алған.

Жол апаты салдарынан Mazda жолаушылары – 73 жастағы ер адам мен оның 48 жастағы қызы алған ауыр жарақаттарынан оқиға орнында көз жұмды. Көлік тізгінінде болған жүргізуші үш күннен кейін ауруханада қайтыс болды. Тек қабырғасы мен жамбасы сынған 74 жастағы әйел ғана аман қалды.

ОБСУЖДАЕТСЯ СЕЙЧАС

Министр Қазақстандағы курьерлер мен такси жүргізушілері үшін алаңдатарлық болжам айтты

Кеше 18:41 1

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

Кеше 20:44 1

Сонымен қатар, Lexus автокөлігінің жолаушысы да зардап шекті. Оның денсаулығына орташа ауырлықтағы зиян келген.

Әлеуметтік желілердегі оқиға орнынан түсірілген кадрлар

Жәбірленушілер де, куәгерлер де, сотталушының өзі де сол күні ауа райы ашық болып, жолдың құрғақ әрі жақсы күйде болғанын атап өтті.

Сотталушы кінәсін мойындап, жасаған ісіне өкінетінін білдірді. Ол жол жүріп келе жатқанда денсаулығы сыр бергенін айтты.

"Ол бүйрек ауруына байланысты кенеттен қатты ауырсынуды сезгенін, соның салдарынан қол-аяғы істемей қалып, көлікті басқара алмаған. Басқарусыз қалған көлік алдымен оң жақ жиекке қарай, кейін сол жаққа қарай қозғалып, қарсы бетке шығып кеткен де, Mazda автокөлігімен соқтығысқан", - деп келтіріледі сотталушының түсініктемесі сот үкімінде.

Сот бұл нұсқаны негізсіз деп тапты: іс материалдарына сәйкес, автокөлік шұғыл маневрлер жасамаған және тежегіш баспаған. Көлік қарсы бетке баяу шыққан, бұл соттың бағалауынша, жүргізушінің ұйықтап кетуі немесе басқа нәрсеге алаңдауына көбірек ұқсайды. Сондай-ақ сотталушының бұған дейін де осындай ауырсынуды сезінгені, бірақ соған қарамастан көлік жүргізуді тоқтатпағаны атап өтілді.

"Сотталушы кінәлі деп танылып, оған бес жыл мерзімге бас бостандығынан айыру жазасы тағайындалсын. Сондай-ақ ол жеті жыл мерзімге көлік құралдарын басқару құқығынан айырылып, жазасын қауіпсіздігі барынша төмен қылмыстық-атқару жүйесі мекемесінде өтейтін болсын", - деп үкімді оқыды Солтүстік Қазақстан облысының қылмыстық істер жөніндегі мамандандырылған ауданаралық сотының судьясы Айдарбек Бекқожинов.

Бұдан бөлек, сотталушы жәбірленушілерге моральдық өтемақы төлеуі тиіс: Lexus көлігінде зардап шеккен жолаушыға 1 миллион теңге және қаза тапқан отбасының туыстары болып табылатын төрт жәбірленушінің әрқайсына 3 миллион теңгеден.

Айта кетейік, Солтүстік Қазақстан тұрғындары қосымшалар арқылы жүзеге асырылатын қалааралық жеке тасымалдың қауіпсіздігі мәселесін бірнеше рет көтерген болатын. Олардың пікірінше, такси жүргізушілері ақша табу үшін күніне бірнеше рет рейске шығады, жылдамдықты асырады және мессенджерлер мен тасымалдаушыларға арналған арнайы бағдарламаларды оқып, жауап беріп, телефонды қолдарынан түсірмейді.

Соңғы жылдары өңірде осындай жеке тасымалдаушылардың қатысуымен бірнеше жол-көлік оқиғасы тіркелді.

Google News арқылы жаңалықтарымызды қадағалаңыз