Германияда ерлер командасын жаттықтыратын әйел бапкер сынға ұшырады

— Мұндай пікірлерге жол беруге болмайды. Олар тек бір адамға қарсы бағытталмаған, сонымен қатар біздің спорттағы негізгі құндылықтарға — құрметке, әділдікке және теңдікке күмән келтіреді, — деді Германия футбол одағының (DFB) вице-президенті Селия Сасич t-online порталына.

34 жастағы Мари-Луиз Эта Германияның жоғары футбол дивизионы — Бундеслигада ерлер командасының бас бапкері атанған алғашқы әйел болды. Ол «Унион» клубын басқарып отыр.

Содан бері Эта үлкен қолдауға ие болғанымен, сонымен қатар көптеген жеккөрінішті, көбіне гендерлік пікірлерге де тап болған.

Мари-Луизе Этаның Instagram парақшасына 36 мыңнан астам адам жазылған. Оның жазбаларының астында «Асүйге бар!», «Кір жуатын адам да керек қой», «Футбол — тек ерлердің ісі» сияқты пікірлер жиі кездеседі.

Бапкердің өзі мұндай пікірлерге алаңдамайтынын айтты.

— Ондай сөздер мені емес, оларды айтқан адамдарды көбірек танытады, — деді Эта.

Еске салсақ, осыған дейін германиялық «Юнион» футбол клубын алғаш рет әйел адам жаттықтыратынын жазған болатынбыз.