Хабар арнасында Шырмалған тағдыр телехикаясы көрерменге жол тартты

«Хабар» арнасында жаңа телехиқая!

Бүгіннен бастап көрерменге «Шырмалған тағдыр» деп аталатын түрік сериалы жол тартады.   Бұл таңдау, мүдде мен махабат қақтығысы жайлы мелодрама. Ал басты рольдерді Түркияның танымал жұлдызды жұбы Қадыр Доғылы мен Неслихан Атагюль сомдайды.

Телехикаяда басты кейіпкер Маджиденің алып шаһардағы күреске толы тағдыры суреттеледі. Анкарадан Ыстамбұлға көшіп, арманыма жетемін деген жас қыздың өмірі кездейсоқ кездесуден кейін түбегейлі өзгереді. «Шырмалған тағдыр» телехиқаясы  өзгелерге ұқсамайтын сценарийімен ғана емес, психологиялық, драмалық оқиғаларымен де ерекше.  

Төреби Кәрімов, "Хабар" Агенттігі" АҚ Халықаралық ынтымақтастық, дистрибуция және сатып алу департаментінің директоры:

- Шырмалған тағдыр шымшытырық оқиғаға толы телехикая. Басты кейіпкерді Маджеди дейтін жас қыз ойнайды. Ол қыз Анкарада тұрады. Сериалдың басы солай басталады. Анкарадан өмірін өзгерту мақсатында Стамбулға көшіп келеді. Көшіп келгеннен кейін өз махаббатын жолықтырады. Махаббаты өте бай фармацевтикалық отбасынан шыққан. Шым-шытырық оқиғалардың барлығы осында отбасында қандай оқиғалар болады барлығын көруге болады. Ең қызығы басты кейіпкерді сомдайтын елге танымал өзіміз жақсы білетін Неслихан Атагюль мен оның шынайы өмірдегі күйеуі Кадер Догулу. Сол екеуінің арасында қандай қызықты оқиғалар болатынын бүгін сағат 19:30-да көрсеңіздер болады. 

Телехиқаяның тағы бір ұтымды тұсы - басты рольдерді түрік кино әлемінің жұлдызды жұбы Кадыр Доғылы мен Неслихан Атагюль сомдайды. Сондай-ақ қазақ көрермендеріне жақсы танымал Сарп Левендоглу, Зухал Олжай, Туба Үнсал сынды актерлер де бар. Ал, отандық өнер әлемінің майталмандары оларды қазақша сөйлетеді.  

Меруерт Ермекбаева, дубляж актрисасы:

- Әрине біз сериалды дыбыстаған кезде кейіпкердің түпнұсқасына сәйкес келуге тырысамыз. Дауыс жағынан болсын, эмоция жағынан болсын. Ол кейіпкерді дәл солай қалай ойнап жатыр, солай жеткізуге тырысамыз. Себебі өтірік болып қалады. Халық сенбей қалуы мүмкін. Жалпы дубляжда ең қиын сәттер, ол эмоцияға берілетін сәттер.

«Шырмалған тағдыр» жай ғана телехикая емес. Бұл жүрек қылын қозғайтын драмалық оқиға. Сондықтан бүгіннен бастап, жұмыс күндері сағат 19:30-да «Хабар» арнасынан маусымның ең әсерлі сериалын көріңіздер!

Айнұр Қуатқызы, Досбол Байділдин