Иманбекке Latin Grammy Awards сыйлығы бұйырмады

13 қарашада Лас-Вегастағы MGM Grand Garden Arena сахнасында португал және испан тілдеріндегі музыкалық жетістіктер үшін берілетін беделді Latin Grammy сыйлығының жеңімпазы анықталды, деп хабарлайды Egemen.kz.

Фото: Ашық дереккөз

Айта кетейік, Қазақстанның танымал саунд-продюсері Иманбек Зейкеновтың аргентиналық әнші Taichu-мен бірге шығарған «Ella Quiere Techno» композициясы «Best Latin Electronic Music Performance» («Латын электрондық музыкасының үздік орындауы») санатына енген еді. Алайда, бұл санаттың жеңімпазы Rawayana мен Akapellah-тың Veneka атты жазбасы болды.

Иманбек бұған дейін Қазақстан тарихында алғаш рет «Ggrammy» сыйлығын алған музыкант ретінде танылған. Ол 2021 жылы SAINt JHN-ның Roses әніне жасаған ремиксі үшін әлемдік марапатқа ие болды.

Сонымен қатар биыл Latin Grammy сыйлығы Best Music For Visual Media және Best Roots Song деп аталатын жаңа екі санатпен толықты. Марапатқа 2024 жылдың 1 маусымынан 2025 жылдың 31 мамырына дейін шыққан жазбалар қатысады. Жеңімпаздарды музыкалық индустрияның кәсіби мүшелері дауыс беру арқылы анықтайды.