Елордада Жан шуақ сыйлығы табысталды

Елордада «Amanat» партиясының қолдауымен Қазақстан мүгедектер конфедерациясы ұйымдастырған «Жан шуақ» қоғамдық сыйлығының лауреаттары марапатталды. 

Салтанатты шараны Парламент Мәжілісінің Төрағасы Ерлан Қошанов ашты. Ол қоғамның инклюзивті дамуына үлес қосып жүрген жандардың еңбегін жоғары бағалады. Биылғы марапат иелерінің қатарында өмірлік жігерімен өзгелерге үлгі болып жүрген Меруерт Жақыпова, көру қабілеті шектеулі азаматтарды қолдау бағытында ұзақ жылдар еңбектенген Хамит Исмуратов бар. 

Сонымен бірге әлемдік талай доданы бағындырған параспортшы Никита Ермаков және инклюзивті өнерді дамытуға үлес қосқан Құрбанәлі Абуов марапатталды. «Жан Шуақ» сыйлығы инклюзивті қоғам қалыптастыруға, ерекше жандардың жетістігін кеңінен насихаттауға бағытталған.

Ерлан Қошанов, ҚР Парламенті Мәжілісінің төрағасы:

Меруерт Жақыпова, лауреат:

- Басымнан өткен оқиғамды баяндап, қазіргі өмірімді көрсету арқылы басқаларға үміт пен сенім сыйлаймын. Биік белестерге жетуге шабыттандырамын деп ойлаймын. Әлбетте, бірінші кезекте ата-анама айтар алғысым шексіз. Менің тұлға болып қалыптасуыма олар біраз күш-жігерін арнады. Отбасымның қолдауы менің басты тірегім болды. Бүгінде мен ерекше балаларға арналған орталықта психолог болып жұмыс істеймін. Ерекше бала тәрбиелеп отырған аналарды жақсы түсінемін.