Индонезияда туристер үшін күшейтілген бақылау енгізілді

Джакарта халықаралық әуежайында хантавирус жағдайлары анықталғаннан кейін санитарлық бақылау күшейтілді. Индонезия билігі үш адамның инфекция жұқтырғанын растады, тағы алты адам бақылауда отыр, - деп хабарлайды Tengri Travel тілшісі Jakarta Globe мәліметіне сілтеме жасап.

Джакарта халықаралық әуежайында хантавирус жағдайлары анықталғаннан кейін санитарлық бақылау күшейтілді. Индонезия билігі үш адамның инфекция жұқтырғанын растады, тағы алты адам бақылауда отыр, - деп хабарлайды Tengri Travel тілшісі Jakarta Globe мәліметіне сілтеме жасап.

Сөз шетелдік рейстердің басым бөлігі келетін елдің басты әуе айлағы - Сукарно-Хатта халықаралық әуежайы туралы болып отыр.

Ауру жұқтырғандар туралы хабарламалардан кейін онда қосымша бақылау шаралары енгізілді. Енді жолаушылар жылувизорлар арқылы тексеріліп, олардың жай-күйіне визуалды баға беріледі, сондай-ақ денсаулық туралы декларация толтыру сұралады.

Джакартаның денсаулық сақтау басқармасының басшысы Ани Руспитаватидің айтуынша, қазір қалада хантавирустың расталған үш жағдайы тіркелген. Тағы алты адам инфекция жұқтыруы мүмкін деген күдікпен дәрігерлердің бақылауында.

Сонымен қатар билік бірқатар мемлекеттік ауруханаларға мониторингті күшейтуді және жаңа жағдайларды анықтауға дайын болуды тапсырды.

Сондай-ақ Джакарта әкімшілігі медициналық мекемелер арасында хантавирус бойынша қатаң мониторинг енгізу туралы нұсқаулық таратты.

"Сондай-ақ қоғамда хантавирусты жұқтырудың ықтимал жағдайларын анықтау және қатаң мониторинг жүргізу үшін бірнеше аймақтық мемлекеттік аурухананы бақылау пункттері ретінде белгіледік", - деді ол.

Денсаулық сақтау басқармасы бұл вирустың көбінесе кеміргіштердің тіршілік әрекетінің іздері - зәрі, сілекейі немесе тезегі бар шаң бөлшектері арқылы таралатынын еске салды.

Мұндай бөлінділер кепкен кезде вирус ауаға, содан кейін адамның тыныс алу жолдарына түсуі мүмкін. Сондай-ақ инфекция егеуқұйрықтардың тістеуі арқылы жұғуы ықтимал.

Тұрғындар мен туристерге қолды жиі жууға, тазалау алдында бөлмелерді желдетуге және инфекцияланған шаңды ауаға көтермеу үшін егеуқұйрықтардың құрғақ тезегін сыпырмауға кеңес берілді.

Google News арқылы жаңалықтарымызды қадағалаңыз