Индонезияда жанартау атқылап, Джакарта ауасы ластанды

АСТАНА, 6 қыркүйек – Sputnik. Индонезияда вулкан атқылады, деп хабарлайды РИА Новости.

Индонезиядағы Анак-Кракатау жанартауының атқылауы лава фонтандары және қатты дауыспен қатар жүріп жатыр, деп хабарлады Ұлттық табиғат апаттарының салдарын жою агенттігі.

Ведомство мәліметі бойынша, атқылаудың үздіксіз фазасы 4 қыркүйектің кешінде, жергілікті уақыт бойынша сағат 23:07 шамасында (Астана уақыты бойынша сағат 21:07) басталды.

Ел астанасы Джакартаны Анак Кракатау жанартауының атқылауынан кейін жанартау күлі басып жатыр. Тұрғындар әлеуметтік желілерде ауадағы күл бөлшектері жапқан көрініс кадрларын жариялап жатыр.

Әлеуметтік желілерінде таралған бейнежазбаларда көше шамдарының жарығында айқын көрінетін ауадағы көптеген ұсақ бөлшектер көрсетілген. Авторлардың айтуынша, кадрлар жексенбі күні таңертең Джакартаның әртүрлі аудандарында түсірілген.

"Анак-Кракатаудан шыққан жанартау күлі бүгін таңертең Джакартаға жетті. Абай болыңыздар", - делінген танымал Джакарта аккаунты JKT.Spot жазбасында.

Астана тұрғындары күл бөлшектері тыныс алу жолдарына түсу мүмкіндігіне қатысты алаңдаушылық білдіріп жатыр. Әлеуметтік желілерде адамдар бір-бірін сыртқа шықпауға және қажет болған жағдайда қорғаныс бетпердесін киюге шақыррып жатыр.

Жанартау атқылауы әуе қатынасында айтарлықтай кедергілер тудырды. Индонезияның ең ірі әуежайы Джакартадағы Сукарно-Хатта әуежайы жанартау күлі анықталғаннан кейін жұмысын уақытша тоқтатты. Шектеулер 30-дан астам рейске әсер етті.

Анак-Кракатау Зонд бұғазында Ява мен Суматра аралдары арасында орналасқан. Жанартау 1883 жылы апатты атқылауы жойқын цунами тудырған әйгілі Кракатау орнында пайда болды. 2018 жылдың желтоқсанында Анак-Кракатауының бір бөлігінің құлауы цунамиге әкеліп соғып, нәтижесінде жүздеген адам қаза тапты.