Камчаткада жер сілкінісінен кейін жанартау оянды

Ақпаратты Ресей ғылым академиясы Жанартау және топырақтану институтының Камчатка жанартауының атқылауына қарсы әрекет ету тобы хабарлады.

— Вулкандық бұлт 7,2 шақырым биіктікке дейін жетті. Күл шоғыры жанартаудан 57 шақырымға созылды, — дейді ғалымдар.

Олар Ключевскийге қызғылт сары авиациялық қауіптілік коды берілгенін жеткізді. Қазір белгілі бір мөлшерде жанартау күлі бар бу және газ белсенділігі жалғасып жатыр. Бұл төмен ұшатын ұшақтарға әсер етуі мүмкін. Сондай-ақ күлдің ұшу биіктігі 10 шақырымға жету қаупі бар.

Ключевский жанартауы — Еуразиядағы ең белсенді жанартау. Бұл диаметрі шамамен 700 м болатын шың кратері бар кәдімгі конус. Жанартаудың баурайында 80-ге жуық қайталама жарылыс кратерлері мен шлак конустары бар.

Айта кетейік, кеше Камчаткада 24 сағат ішінде 7 жер сілкінісі тіркелді.