Әл ауқат санаты калькуляторы алимент пен жәрдемақы түріндегі табысты есепке алады ма министр жауабы

Министрге осы сипаттағы сұрақты журналистер қойды.

"Кірістерге жалақы, бизнес табыстары және т.б. есепке алынады. Ал мемлекеттік қолдау шаралары ретінде берілетін жәрдемақылар, алименттер және мемлекеттік бюджеттен төленетін басқа да төлемдер төменде көрсетіледі. C, D, E санаты бойынша, олар "мұқтаж азаматтар" екенін ескерсек, бұл да олардың кірістеріне жатады. А және В санаттары бойынша біз бірінші кезде олардың бизнес пен жалақыдан түсетін нақты кірістерін есепке аламыз", – деді Ертаев.

Оның айтуынша, шығыс бөлігінде несиелер мен үй шаруашылықтарының барлық міндеттемесі есепке алынады.

"Бұл ретте аталған техникалық бөлік әлі біріктірілген жоқ, яғни аяқталмаған. 1 желтоқсанда біз екінші деңгейлі банктермен интеграцияны аяқтаймыз, содан кейін бұл бағыттағы жұмыстарымыз жалғасады. 1 желтоқсаннан кейін толығырақ мәлімет береміз", – деді министр.

Бұған дейін әл-ауқат санаттарының калькуляторы 16 қазанда іске қосылатынын жазғанбыз.