Инвестиция салуға мүдделі

Премьер-министрдің бірінші орынбасары Роман Склярдың «Шелл» концернінің аға вице-президенті, Қазақстандағы төрағасы Сюзанн Куганмен кездесуі өтті. Кездесу барысында еліміздің мұнай-газ секторындағы ірі шетелдік инвесторлардың бірі болып саналатын компания арасындағы ұзақмерзімді ынтымақтастық мәселелері талқыланды.

Сурет: primeminister.kz

Р.Скляр «Шелл» компаниясының елі­міз­дің дамуына қосқан үлесінің маңыз­ды­лы­ғын атап өтіп, өзара ынты­мақ­тас­тық 30 жылдан астам уақытқа созыл­ғанын,  мұнай-газ саласындағы бір­қатар ірі жоба­лар­ды қамтитынын атап өтті. Негізгі жоба­лар­дың қатарында «Шелл» кон­цер­нінің Қара­шығанақ, Қаша­ған сияқ­ты маңыз­ды кен орын­дарын игеруге қатысуы бар.

Сюзанн Куган өз кезегінде «Шелл» компаниясы қосымша жаңа жобаларға инвестиция салуға мүдделі екенін атап өтті. Еліміздің мұнай-газ резервтерін кеңейтуге үлес қосу үшін осы салада Қазақстанмен бел­сенді ынты­мақтасуға дайын екенін жет­кізді.

Бірлескен жобаларды одан әрі дамыту мәселелеріне ерекше назар аударылды. Қазақстан компанияның озық технология­ларын тартуға және бірлескен жобаларды ілгерілетуге мүдделі.

Кездесуде екі тарап өзара тиімді ынты­мақ­тастық­ты одан әрі кеңейтуге әрі бірлес­кен жоба­ларды табысты жүзеге асыруды жал­ғастыруға сенімді екенін біл­дір­ді.