Шетелдік компания Қазақстандағы агросалаға $700 млн инвестиция салуға ниетті

Қазақстанның агроөнеркәсіп саласына швейцариялық компания қызығып отыр.

Шетелдік инвестор 700 млн доллардан астам инвестиция салуға ниетті. Бұл туралы KGIR-2025 инвестициялық форумында мәлім болды. Ауқымды жоба келер жылдан бастап кезең кезеңімен іске асады. Оған сәйкес, Алматы, Шығыс Қазақстан, Абай және Жетісу облыстарында ауыл шаруашылығы өнімдерін қайта өңдеу зауыттары бой көтереді. Сондай-ақ шетелдік инвестор 50 мың гектар жерді игеруді жоспарлап отыр. Өсірілген өнім негізінен ішкі нарыққа, бір бөлігі экспортқа бағытталады. Жалпы компания Қазақстанда 2022 жылдан бері жұмыс істейді. Қазіргі таңда Қызылорда облысында 20 мың гектар алқапқа техникалық қарасора, жүгері және соя өсіруді қолға алды.