Иран АҚШ армиясының арнайы жасағы жойылғанын хабарлады

Ислам революциясы сақшылары корпусы (ИРСК) құрама соққы жасау барысында Кувейттегі Әл-Удейри базасында АҚШ армиясының радиоэлектрондық күрес арнайы бөлімшесінің көзін жойды. Бұл туралы бейсенбіде ИРСК баспасөз қызметі хабарлады, деп жазады Tengrinews.kz РИА Новостиге сілтеме жасап.

"ИРСК жауынгерлері "Жеңіс-2" операциясының 26-толқыны аясында жасалған құрама шабуылдар барысында Әл-Удейри базасындағы Американың радиоэлектрондық күрес арнайы бөлімшесін жойып, бөлімшенің санаторийіне соққы жасау арқылы бірнеше сарбазды өлтірді және жаралады", - делінген баспасөз қызметі жариялаған мәлімдемеде.

ИРСК мәліметінше, Иран әскерилері Әл-Удейри базасының диспетчерлік мұнарасына да шабуыл жасап, оған зақым келтірген.

Сонымен қатар Иран Қарулы Күштері Иорданиядағы АҚШ базасында THAAD зымыранға қарсы қорғаныс кешенінің радарын және Patriot әуе шабуылына қарсы қорғаныс жүйесін жойғанын мәлімдеді. Бұл туралы Иран армиясының мәлімдемесіне сілтеме жасап, IRIB ирандық мемлекеттік телерадиокомпаниясы хабарлайды.

"Иорданиядағы АҚШ базасында THAAD зымыранға қарсы қорғаныс кешенінің радары, Patriot әуе шабуылына қарсы қорғаныс жүйесі, C-RAM радары, жанармай резервуарлары, тікұшақ жабдықтарының ірі қоймасы және тікұшақтарды жөндеу мен техникалық қызмет көрсетуге арналған ангар жойылды", - делінген хабарламада.

АҚШ әскерилері өз кезегінде Иранға жасалған кезекті соққылар толқынын аяқтады. Бұл АҚШ-тың Ислам Республикасына соққы жасап жатқан қатарынан 13-түні.

"АҚШ Орталық қолбасшылығының (CENTCOM) күштері 23 шілде күні АҚШ-тың шығыс жағалауы уақытымен сағат 21:00-де Иранға жасалған қатарынан он үшінші түнгі соққыларды сәтті аяқтады", - делінген қолбасшылықтың X әлеуметтік желісіндегі хабарламасында.

Мәлімдемеге сәйкес, Иранның әскери командалық орталықтарына, ұшқышсыз ұшу аппараттары сақталатын нысандарға және жағалаудағы бақылау пункттеріне соққылар жасалған.

Google News арқылы жаңалықтарымызды қадағалаңыз