Иран: АҚШ пен Израильдің 200 нысанына зымыран соққысы жасалды

Иранның Ислам революциясы сақшылары корпусының (ИРСК) өкілі Али Мохаммед Наини АҚШ пен Израильге тиесілі 200 нысана жоғары дәлдіктегі зымырандармен соққыға ұшырағанын мәлімдеді.

Наини бұл туралы қатысқан іс-шара барысында сөйлеген сөзінде айтты. Оның айтуынша, соғыс басталған алғашқы күннен-ақ Иран күштер тепе-теңдігін өзгерте алған.

ИРСК өкілі Иранның кемінде алты айға созылатын ауқымды соғысқа дайын болғанын да атап өтті. Оның сөзінше, әскери әрекеттер барысында 200 нысанаға зымыран соққысы жасалған, сондай-ақ 2600 дрон қолданылып, 600 зымыран ұшырылған.

Наинидің айтуынша, соғыстың алғашқы үш күнінде қолданылған әскери күш көлемі өткен жылғы 12 күндік соғыс кезінде пайдаланылған күшпен шамалас болған.