Иран АҚШ пен келіссөздерді қайта бастау шартын атады

АСТАНА, 12 қыркүйек – Sputnik. Иранның шарттары қабылданбайынша, Тегеран Вашингтонмен келіссөздер жүргізбейді. Бұл туралы Иран парламентінің ұлттық қауіпсіздік және сыртқы саясат комитетінің басшысы Эбрахим Азизи мәлімдеді, деп хабарлайды РИА Новости.

"Ешқандай келіссөз болмайды. Иранның шарттары қабылданбайынша, келіссөз жүргізудің мәні жоқ", – деп жазды Азизи өзінің X әлеуметтік желісіндегі ресми парақшасында.

18 маусымға қараған түні Тегеран мен Вашингтон 28 ақпанда басталған қақтығысты тоқтатуды көздейтін меморандумға қол қойған болатын.

Алайда шілде айында АҚШ әскері Иран аумағына бірнеше рет соққы жасады. АҚШ Қарулы күштерінің Орталық қолбасшылығы бұл әрекетті Ормуз бұғазы арқылы өтіп бара жатқан коммерциялық кемелерге қарсы Иранның шабуылдарына жауап ретінде жасалғанын мәлімдеді.