Иран АҚШ тың оқ атуды тоқтату туралы ұсынысын қабылдамады БАҚ

Иран АҚШ президенті Дональд Трамптың оқ атуды тоқтату туралы ұсынысын кері қайтарды. Басты кедергі Ормуз бұғазы төңірегіндегі дау болды, деп хабарлайды Tengrinews.kz БАҚ-қа сілтеме жасап.

The New York Times дерегінше,Америка жоспары Тегеранға Ирак премьер-министрі Әли әл-Заиди арқылы жеткізілді. Ұсыныстың егжей-тегжейі жарияланбады, бірақ ирандық шенеуніктер оны келіссөз үстеліндегі жалғыз нұсқа деп атады.

Иран уақытша бітімге келуден бас тартты, өйткені бұл мұнай мен газ тасымалының негізгі бағыттарының бірі - Ормуз бұғазына бақылау жасау мәселесін шешпеді.

Бұған дейін Reuters делдалдар Иранға тараптардың келіссөзге қайта оралуы үшін оқ атуды он күнге тоқтатуды ұсынғанын хабарлады.

АҚШ-тың Ормуз бұғазы арқылы кемелердің еркін өтуіне қол жеткізгісі келетіні атап өтілген. Тегеран өз кезегінде бұл мәселе әскери қимылдардағы уақытша үзіліс емес, ауқымдырақ келісімнің бір бөлігі болуы керек деп санайды.

NYT мәліметінше, ирандық әскерилер АҚШ Тегеранға және аса маңызды инфрақұрылым нысандарына жаңа соққылар жасаған жағдайда қақтығыстың ықтимал өршуіне дайындалып жатыр.

ҚАЗІР ТАЛҚЫЛАНЫП ЖАТЫР

Жарты ғасырдан кейін миллиондаған тыңдалым: танымал “Ақ сәулем“ әнінің авторы қазір қалай өмір сүріп жатыр?

Бүгін 10:06 1

ІІМ егде жастағы жүргізушілер үшін маңызды мәлімдеме жасады

Бүгін 09:22 1

Google News арқылы жаңалықтарымызды қадағалаңыз