Иран президенті кешірім сұрады Reuters

Иран президенті Масуд Пезешкиан Парсы шығанағындағы елдерге жасалған шабуылдар үшін кешірім сұрағанымен, аймақтағы әскери әрекеттер тоқтаған жоқ.

Reuters дерегінше, Иран басшысы көрші мемлекеттердің аумағынан Иранға қарсы шабуыл жасалмаса, соққыларды тоқтатуға дайын екенін айтты. Бірақ осы мәлімдемеден кейін көп ұзамай Иранның Революциялық гвардиясы АҚШ-тың Біріккен Араб Әмірліктеріндегі әскери базасына дрондармен соққы жасалғанын хабарлады.

Соғыс тек Иран мен Израиль арасында ғана емес, бүкіл аймаққа әсер етті. Соңғы күндері Біріккен Араб Әмірліктері, Кувейт, Қатар және Сауд Арабиясы сияқты Парсы шығанағы елдерінде де жарылыстар мен шабуылдар тіркелген. Бұл елдердегі кейбір азаматтық нысандар мен инфрақұрылым зардап шеккен.