Сеул дрон оқиғасы үшін кешірім сұрады

6 сәуір күні Оңтүстік Корея президенті Ли Чжэ Мен Солтүстік Кореяға қатысты дрон ұшыру оқиғасына байланысты өкінішін білдірді, деп хабарлайды АА.

Мемлекет басшысы үкімет отырысында: «Жеке адамдардың мұндай арандатушылық әрекеттерге барғаны өте өкінішті», — деп мәлімдеді.

Ол мұндай әрекеттерді «қабылдауға болмайтын» деп атады және Конституция мен заңдар азаматтарға Солтүстік Кореяны жеке түрде арандатуға тыйым салатынын еске салды.

Президент атап өткендей, өткен аптада прокуратура 2025 жылдың қыркүйегінен 2026 жылдың қаңтарына дейін дрондарды шекара арқылы ұшырған үш адамға айып таққан.

Еске сала кетсек, қаңтар айының басында Солтүстік Корея Сеулді тағы да дрон арқылы әуе кеңістігіне заңсыз кірді деп айыптап, Оңтүстік Кореяны «ең басты жау» деп атаған болатын. Осыдан кейін Ли Чжэ Мен оқиғаны тергеуді тапсырды.

Бүгін, 14:52