Ирандағы әуе соққыларынан кейін Тегеранда қара жаңбыр жауып, ауа ластанды

28 ақпаннан бері басталған АҚШ пен Израильдің шабуылдары барысында Иран астанасының маңындағы кемінде төрт мұнай нысанына соққы берілгенін BBC Verify растады.

Қала тұрғындарының айтуынша, қою түтін күн көзін жауып, кейбір аудандарда күйік иісі қатты сезілген. Сарапшылар кейбір зиянды заттардың ауаға таралу көлемі бұрын-соңды болмаған деңгейге жетуі мүмкін екенін ескертіп отыр.

Дүниежүзілік денсаулық сақтау ұйымының басшысы қақтығыстың адамдар денсаулығына тигізетін зардабына алаңдаушылық білдірді.

— Мұнай нысандарының зақымдануы азық-түлік, су және ауаның ластануына әкелуі мүмкін. Бұл әсіресе балалар, қарт адамдар және бұрыннан ауруы бар адамдар үшін ауыр салдарға соқтыруы ықтимал, — деді ол.

Даг Вейр, Қақтығыс пен қоршаған ортаны бақылау орталығының директоры «Тегерандағы жағдайдың ерекшесі - біз мұндай халық тығыз орналасқан аймақта мұндай шабуылдарды бұрын-соңды көрмеген едік» деп атап өтті.

Еске салсақ Экология және табиғи ресурстар министрі Ерлан Нысанбаев Ираннан Орталық Азия елдеріне «қышқылды бұлттар» жетуі мүмкін деген ақпарат шындыққа жанаспайтынын айтқан еді.