Ирандағы қазақ диаспорасының жағдайы тұрақты Иран елшісі

Оның айтуынша, Ирандағы қазақ диаспорасының өкілдері өздерін иран қоғамының бір бөлігі ретінде санайды және ел тарихындағы күрделі кезеңдерді басқа азаматтармен бірге өткерген.

– Иранда тұратын қазақ диаспорасы иран қоғамына толық сіңісіп кеткен және өздерін ел азаматтарынан бөлек қарастырмайды. Тіпті қиын кезеңдерде, шамамен 40 жыл бұрын Саддам Хусейн режимінің агрессиясы кезінде де қазақ диаспорасы ирандықтармен бірге болып, өз елін қорғады. Сондықтан осы уақытқа дейін ирандықтардың, оның ішінде қазақ диаспорасының Қазақстанға көшу туралы өтініш жасаған жағдайлары болған жоқ, - деді ол.

Елшінің сөзінше, азаматтардың өтініштері негізінен тұрмыстық сипатта болып келеді және екі ел азаматтарының өзара қатынастарына байланысты мәселелерге қатысты.

– Көбіне күнделікті мәселелер бойынша ғана жүгіну жағдайлары болады. Мысалы, Қазақстан азаматтары белгілі бір шаруамен Иранға барғысы келеді немесе Иран азаматтары Қазақстанға келеді. Бұл қалыпты жағдай. Мұндайда Қазақстан мен Иран тараптары қажетті көмек көрсетеді, - деп түсіндірді Али Акбар Джоукар.

Айта кетейік, қазақтар 1930 жылдары ашаршылық кезінде Иранның Гүлістан провинциясына көшіп барды. Қазір қандастарымыз Горган, Гомбат қалаларында қазақ ауылдарында топтаса өмір сүріп жатыр.