Ираннан барлығы төрт дрон ұшырылды Әзербайжан қорғаныс министрлігі

АЛМАТЫ, 5 наурыз – Sputnik. Ираннан Әзербайжанға барлығы төрт ұшқышсыз ұшу аппараты ұшырылды. Бұл туралы Әзербайжан қорғаныс министрлігі хабарлады.

Оның біреуін Әзербайжан тарапы жойып үлгерген.

"Иран Ислам Республикасының қарулы күштері Әзербайжанның Нахчыван ауданына соққы беру үшін төрт дрон жібергені анықталды. Олардың бірін біздің армия жойып жіберді, ал қалғандары азаматтық инфрақұрылымға, соның ішінде оқу уақытында орта мектеп ғимаратына бағытталған. Орта мектеп ғимаратына бағытталған дрон, бақытымызға орай, мақсатқа жете алмады, апатқа ұшырап, мектептің жанында жарылды", — делінген хабарламада.

Еске сала кетейік, бұған дейін екі дрон шабуыл жасағаны туралы ақпарат тараған болатын.

Баку Тегеранның "бұл дрондарды ұшыруға қатысымыз жоқ" деген мәлімдемесін қабылдамады.