Қазақстанда дрон өндірісі зерттеліп жатыр Қорғаныс министрлігі

Оның айтуынша, «Байрақтар» бойынша алдын ала келісімдер жасалған және қазіргі уақытта жоба жан-жақты зерттеліп жатыр.

- Байрақтар бойынша бізде келісім болды. Қазір зерттеліп жатыр. Сондықтан бұл сұрақ жақын арада шешімін табады деп ойлаймын, – деді ол.

Сонымен қатар журналистер қазіргі заманғы қақтығыстар тәжірибесіне тоқталды. АҚШ, Иран, Украина және Ресей қатысқан әскери іс-қимылдарда ірі дрондардан бөлек, шағын ұшқышсыз аппараттардың да тиімділігі байқалып отырғанын атап өтті.

Осыған байланысты Қазақстанда дрон өндірісін дамыту немесе арнайы зауыт салу жоспарлары туралы сұраққа жауап берген ол бұл бағытта жұмыстар қарастырылып жатқанын жеткізді.

- Егер ішкі жалпы өнімнің 1 пайызына дейін жетсе, осы бағытта жұмыстар атқарылатын болады. Жоспар бар, алайда жабық ақпарат болғандықтан толық айта алмаймын, – деді Қорғаныс министрінің орынбасары.

Айта кетейік, жаңа оқу жылының басталуына байланысты желтоқсан айының алғашқы күндерінде Қарулы Күштердің барлық бөлімі оқу дабылы бойынша жоғары деңгейдегі жауынгерлік дайындыққа келтіріледі.