Иранның Мешхед әуежайынан халықаралық рейстер қайта жанданады

Ведомствоның ресми сайтында жарияланған мәлімдемеде бұл шешім Иранның шығыс бөлігіндегі әуе кеңістігінде халықаралық ұшуларды қайта бастау туралы бұған дейінгі хабарламадан кейін қабылданғаны айтылған. Сондай-ақ кейбір әуежайлар 18 сәуір күні жергілікті уақыт бойынша сағат 07:00-де жұмысын қайта бастаған.

Алайда ішкі рейстерге билеттер сатуға әзірге рұқсат берілмегені атап өтілді.

Еске салайық, Иран 28 ақпанда АҚШ пен Израильдің бірлескен әскери соққыларынан кейін әуе кеңістігін жауып, барлық азаматтық әуе қатынасын тоқтатқан болатын.

Азаматтық авиация ұйымының мәліметінше, әскери және азаматтық органдар қажетті техникалық әрі операциялық дайындықты аяқтаған соң, елдегі әуе қатынасы біртіндеп қалыпты режимге көшеді.

Бұдан бұрын Италия, Испания және Австрия АҚШ-қа әскери қолдау көрсетуден бас тартып, Иранға қарсы операцияда өздерінің әуе кеңістігі мен инфрақұрылымын пайдалануға шектеу қойғанын жаздық.