Қазақстаннан Дубайға рейстер 15 шілдеден бастап қайта жанданады

Қазақстан мен Дубай арасындағы тұрақты әуе қатынасын 15 шілдеден бастап қайта жандандыру жоспарланып отыр. Дегенмен Таяу Шығыстағы жағдайдың дамуына байланысты ұшу кестесі өзгеруі мүмкін, деп хабарлайды Tengri Travel.

15 шілдеден бастап Алматы - Дубай - Алматы және Астана - Дубай - Астана бағыттары бойынша тұрақты рейстерді қайта бастау жоспарланған. Бұл туралы Air Astana әуекомпаниясы мәлімдеді.

Бұл ретте тасымалдаушы Таяу Шығыстағы ахуалдың дамуын бақылауды жалғастыратынын атап өтті. Жағдайға байланысты ұшу кестесіне түзетулер енгізілуі мүмкін.

"Air Astana 15 шілдеден бастап Алматы - Дубай - Алматы және Астана - Дубай - Астана бағыттарындағы тұрақты рейстерді қайта бастауды жоспарлап отыр", - деп хабарлады әуекомпания.

Сондай-ақ әуекомпания өңірдегі жағдайды жіті қадағалап отырғанын қоса айтты.

"Әуекомпания өңірдегі оқиғалардың дамуын бақылап отыр және Таяу Шығыстағы ахуалға байланысты ұшу кестесін өзгертуі мүмкін, сондай-ақ қосымша өзгерістер болған жағдайда жолаушыларды хабардар етеді", - делінген хабарламада.

Ұшуларды қайта бастау шешімі уақытша шектеулерден кейін бірнеше күн өткен соң қабылданды. Еске сала кетейік, 12 шілдеде Таяу Шығыстағы жағдайдың ушығуына байланысты Дубайға бағытталған рейстер өзгертілген болатын.

Мәселен, таңғы 07:10-да ұшып шыққан KC205 Астана - Дубай рейсі әуеде кері бұрылып, ұшу әуежайына оралды. Сол күні сағат 08:50-де шығуы тиіс болған KC897 Алматы - Дубай рейсі тоқтатылды.

Сол кезде әуекомпания тоқтатылған рейстің жолаушылары билет құнын сатып алған жерлері бойынша толық қайтарып ала алатынын хабарлады.

"Жолаушыларға билет құны сатып алынған жері бойынша толық қайтарылады. Рейс кестесіндегі алдағы өзгерістер туралы кейінірек хабарланады", - деп атап өтті әуекомпания.

Бұдан бөлек, тасымалдаушы ұшу және қону уақыты өзгеруі мүмкін болғандықтан, жолаушыларға өз рейстерінің мәртебесін алдын ала тексеруді ұсынды. Компания сонымен қатар жағдайды мұқият қадағалап, жолаушыларды тасымалдауға қатысты мәселелерді шешіп жатқанын мәлімдеді.

Google News арқылы жаңалықтарымызды қадағалаңыз