Израиль Иранның ықпалды саясаткері Әли Лариджанидің қаза тапқанын мәлімдеді

Израильдің қорғаныс министрі Исраэль Кац Иранның Жоғарғы ұлттық қауіпсіздік кеңесінің хатшысы Әли Лариджанидің қаза тапқанын мәлімдеді, – деп хабарлайды Aikyn.kz сайты CNN арнасына сілтеме жасап хабарлады.

Министрдің айтуынша, дүйсенбіге қараған түні Әли Лариджани мен «Басидж» бөлімшесінің командирі көз жұмған.

«Кеше түнде Лариджани мен Басидж бөлімшесінің командирі жойылды. Олар Хаменеи режимінің жойылған басқа да мүшелерінің қатарына қосылды. Премьер-министрмен бірге Израиль қорғаныс күштеріне Ирандағы террористік және репрессивті режим басшылығына қарсы әрекеттерді жалғастыруды тапсырдық», – деді Кац.

Алайда Иран тарапы әзірге Лариджанидің қаза тапқаны жөніндегі ақпаратты ресми түрде растаған жоқ.

Tasnim мемлекеттік ақпарат агенттігінің Telegram-арнасында 17 наурыз күні Лариджанидің әскери-теңіз күштері қызметкерлерінің қазасына байланысты көңіл айту мазмұнындағы хаты жарияланғаны хабарланды.

Айта кетейік, Әли Лариджани Ирандағы ықпалды саясаткерлердің бірі саналады. Ол елдің Жоғарғы көсемі Әли Хаменеиға жақын тұлғалардың қатарында болған.