KEGOC пен Самұрық Энерго компанияларындағы қысқартулар кімдер жұмыстан шығарылды, ал кімдерге тиіспеді

KEGOC пен "Самұрық-Энерго" компаниялары қызметкерлердің қысқартылғаны туралы мәлімдеді. Топ-менеджерлердің айтуынша, оңтайландыру шаралары тек әкімшілік корпусқа қатысты болды, деп хабарлайды Tengrinews.kz тілшісі.

KEGOC пен "Самұрық-Энерго" компаниялары қызметкерлердің қысқартылғаны туралы мәлімдеді. Топ-менеджерлердің айтуынша, оңтайландыру шаралары тек әкімшілік корпусқа қатысты болды, деп хабарлайды Tengrinews.kz тілшісі.

Үкіметте өткен брифингте "KEGOC" АҚ басқарма төрағасы Нәби Айтжанов компания атқарушы дирекция мен "Энергоинформ" еншілес ұйымында қысқарту жүргізгенін хабарлады.

"Шамамен 39 адамға қысқарту туралы акті берілді. Бұл Астанадан басқа өңірлерге қатысты болған жоқ. Біздің филиалдарға да, облыстардағы бөлімшелерге де әсер етпеді. Мұндай жұмыс жүргізілді және біз одан қиындықсыз өттік", - деді ол.

Айтжановтың сөзінше, қысқартуға әкімшілік-басқарушы персонал ілінген, ал өндірістік қызметкерлерге "іс жүзінде тиіспеген":

"Энергоинформда" үш басқарушы директор қысқартылды, қалған қызметкерлер негізінен компанияның әкімшілік басқару бөлімінен".

"Самұрық-Энерго" АҚ басқарма төрағасы Қайрат Мақсұтов та компанияда қысқарту болғанын айтты.

"Олар тек орталық аппараттың әкімшілік-басқарушы персоналы арасында жүргізілді. Бұл өңірлерге қатысты болған жоқ: білесіздер, бізде 19-ға жуық еншілес кәсіпорын бар, онда негізінен өндірістік қызметкерлер жұмыс істейді. Әрине, бұл станциялар жұмысының сенімділігіне және басқа да жайттарға әсер етпеуі тиіс. Тапсырма берілген сол 10 пайыздық қысқарту", - деді Мақсұтов.

Оның айтуынша, басқарушы директорлардың ешбірі қысқартылмаған, себебі "олардың әрқайсысы тиісті блоктарға жетекшілік етеді".

"Өздеріңіз білетіндей, біз жалпы құны 10 триллион теңгеден асатын, 11,4 гигаваттық 25 жобаны іске асырып жатырмыз, сондықтан өте ауқымды (жұмыс - еск.). Шындығына келгенде, қазір жақсы, жеткілікті тәжірибесі бар мамандарды қысқартатын уақыт емес. Дегенмен, екі бірлескен басқарушы директор қысқартылды, бір департамент директоры да қысқартуға ілінген сияқты. Жалпы алғанда, орталық аппаратта қысқарту жүргізілді", - деп толықтырды "Самұрық-Энерго" басқарма төрағасы.

10 ақпанда Үкіметтің кеңейтілген отырысында Президент Қасым-Жомарт Тоқаев ұлттық компаниялардағы кейбір қызметкерлердің жұмысын сынға алды. Атап айтқанда, мәселе "Самұрық-Қазына" қорына қатысты болды.

ҚАЗІР ТАЛҚЫЛАНЫП ЖАТЫР

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Осыдан кейін компанияның басқарма төрағасы Нұрлан Жақыпов Астанада "Самұрық-Қазына" АҚ компаниялар тобы бойынша 650-ге жуық қызметкерді қысқарту жоспарланып отырғанын хабарлады. Жақыпов қысқартудың өндірістік жұмысшыларға қатысы болмайтынына сендірді. Оның айтуынша, бұл шара филиалдар мен өндірістік ұжымдарға емес, бүкіл компаниялар тобы бойынша орталық кеңселер мен әкімшілік корпусқа бағытталады.