Кликбейт: даулы тақырыптар несімен қауіпті?

Қаржы нарығын реттеу және дамыту агенттігі фишингтік сайттардың қауіптілігі туралы ескертеді.
Алаяқтар азаматтардың фишингтік сайттарға күмәнді сілтемелер бойынша өтуі үшін «кликбейттік» деп аталатын тақырыптарды пайдалануы мүмкін.

 Кликбайттың мысалдары  «Тек бүгін! iPhone жарты бағамен, тек... жасауыңыз керек...», «Сіз сенбейсіз! Жаңа жылдың құрметіне сыйлықтар таратылуда!», «Бұл сенсация! Егер сіз түнге ... ішсеңіз, ешқандай тұмау мен коронавирус қорқынышты болмайды».

Алаяқтар жоқ ұйымдардың, дүкендердің және т. б. атынан электрондық пошта арқылы, әр түрлі мессенджерлерде кликбейттік тақырыптары бар хаттарды жібереді.

Кейбір тақырыптар видеомен бірге жүреді, алайда оны көру үшін гаджетке арнайы қосымшаны орнату керек. Егер пайдаланушы қосымшаны жүктесе, онда зиянды бағдарламалық қамтылымды орнатады, оның көмегімен алаяқтар дербес деректерге және құрылғыны қашықтан басқаруға қол жеткізе алады.

Сілтеме бойынша өтсе, не болады?

 Пайдаланушылар егжей-тегжей жағдайларды білу үшін тақырыптың үстінен басқан кезде, олар фишингтік сайтқа түседі. Мұндай интернет-ресурс түпнұсқа, мысалы, жаңалықтар порталының, онлайн-дүкеннің және т. б. көшірмесі болып табылады.

 Егер бұл онлайн-дүкеннің жалған парағы болса, онда пайдаланушылардан банктік деректерін енгізу сұралады, ал жалған тапсырыс берілгеннен кейін кибералаяқтар барлық төлем ақпаратына ие болады.

Алаяқтық кликбейттің белгілері:

бет ұзақ жүктеледі және сізді басқа сайтқа бағыттайды;

кликбейтті басқан кезде сізден бірдеңе жүктеу сұралады.

Маңызды: егер сіз осындай белгілерге тап болсаңыз, қосымшаны дереу жабыңыз, ештеңе жүктемеңіз және сұратылған деректерді енгізбеңіз.

Гаджеттеріңізді қалай қорғауға болады?

теңшеулерде басқа дереккөздерінен бағдарламаларды орнатуға тыйым салуды іске қосыңыз, антивирусты орнатыңыз, пайдаланыңыз және жаңартыңыз;

жарнаманы бұғаттайтын браузер үшін кеңейтуді пайдаланыңыз (AdBlock, uBlock Origin, Ghostery, AdGuard және басқалары). Жарнама бұғаттаушылары көп жағдайда тегін және алаяқтардың әрекеттерін бұғаттауға көмектеседі.