Жасанды интеллект несімен қауіпті?

Фото: Report

Баяндамада технологиялар жетілген сайын қаскөйлер жасанды интеллектіні алаяқтыққа, әлеуметтік инженерияға, кибершабуылдарға, жалған ақпарат таратуға, қаржы нарығын манипуляциялауға, сондай-ақ биотехнология саласында заңсыз мақсаттарға пайдалануы мүмкін екені атап өтілген.

Норвегия мектеп оқушыларына жасанды интеллект қолдануға шектеу қойды

БҰҰ сарапшылары жоғары деңгейде автономды жұмыс істейтін жасанды интеллект жүйелері берілген нұсқауларды әрдайым бұлжытпай орындайтынына ғылыми кепілдік жоқ екенін де ескертті. Баяндамаға сәйкес, зертханалық тәжірибелер барысында мұндай жүйелердің өшіріліп қалмау үшін қауіпсіздік ережелерін бұзған жағдайлары тіркелген.

БҰҰ форумында жасанды интеллект пен қоғамдық мүдде арасындағы тепе-теңдік мәселесі талқыланды 

Сонымен қатар құжат авторлары жасанды интеллектінің жекелендірілген білім беруді дамытуға, психикалық денсаулықты қолдау құралдарын жетілдіруге және көмекші технологияларды дамытуға ықпал етіп, адамның мүмкіндіктерін едәуір кеңейте алатынын атап өтті.

Дегенмен БҰҰ мұндай технологияларды қауіпсіз енгізу үшін халықаралық деңгейде тиімді реттеу тетіктері, тәуелсіз қауіпсіздік бағалауы және мемлекеттердің мұндай жүйелерді өз бетінше тексеру мүмкіндіктерін кеңейту қажет деп санайды. Сарапшылардың пікірінше, әлеуметтік теңсіздік күшейіп, халықтың осал топтарын қанау қаупі артады, сондай-ақ сарапшылық білім мен мәдени мұраның біртіндеп жоғалу қаупі туындайды.

Жасанды интеллектінің әсері: Болашақта кімдер жұмыссыз қалуы мүмкін?