Көкшетауда Қайрат Нұртастың концертінен кейін қалған қоқысқа шағымданды

Көкшетауда Металлургтер күніне орай өткен Қайрат Нұртастың концертінен кейін жағалауда шашылып қалған қоқыс тұрғындардың наразылығын туғызды, деп хабарлайды Tengri Life тілшісі sinegor.kz-ке сілтеме жасап.

"Біздің адамдарға не болған?" - деп сұрақ қояды әлеуметтік желілерде тараған видео авторы.

Бейнежазбадан бұқаралық іс-шара мен отшашудан кейін жерде бөтелкелер, құтылар мен өзге де қоқыстардың шашылып жатқанын көруге болады. Осыдан кейін желі қолданушылары "Көкшетаулықтар мәдениетті демала біле ме?" деген сауал көтерді.

Instagram-дағы бұл жарияланымды көру

Новости. Кокшетау. Казахстан (@region03.kz) жарияланымдарынан

Көкшетауда Металлургтер күні 18 шілдеде аталып өтті. Негізгі мерекелік іс-шара "Болашақ сарайына" қарама-қарсы орналасқан жаңа жағалауда ұйымдастырылды.

Қала тұрғындары мен қонақтарына арналған концертте танымал әнші Қайрат Нұртас өнер көрсетті. Мерекелік бағдарлама соңы отшашумен аяқталды.

Instagram-дағы бұл жарияланымды көру

Көкшетау. Ақмола облысы. Жаңалықтар. Жарнама (@sinegor.kz) жарияланымы

Google News арқылы жаңалықтарымызды қадағалаңыз