Кредиттік картаны қалай қауіпсіз әрі тиімді пайдалануға болады?

Кредиттік карта қысқа мерзімді кредит бере отырып, сатып алынған заттар үшін төлем жасауға мүмкіндік береді.
Артық шығындарды болдырмау үшін ақшаны белгіленген мерзімде қайтару маңызды. Кредиттік картаны дұрыс пайдалану қаражатты үнемдеуге және қаржылық тәуекелдерді болдырмауға көмектеседі.

1. Берешекті грейс-кезеңде өтеңіз

Грейс-кезең – бұл жұмсалған ақшаны пайызсыз қайтаруға болатын мерзім (әдетте 30-60 күн). Негізгі қағида – қарызды мерзімі аяқталғанға дейін өтеу. Мысалы, егер-грейс кезең 25-і күні аяқталса, тұтастай соманы осы күнге дейін енгізу маңызды, олай болмаған жағдайда банк пайыздар есептей бастайды.

2. Кредиттік картадан қолма-қол ақша алудан аулақ болыңыз

Кредиттік картадан қолма-қол ақша алу – қолайсыз операция. Банктер комиссия алады және пайыздарды жеңілдік кезеңін бермей, бірден есептейді. Кредиттік картаны тек қолма-қол ақшасыз төлемдер үшін пайдаланыңыз.

3. Кредиттік картадан ақша аудармаңыз

Басқа карталарға аударымдарға әдетте грейс-кезең қолданылмайды, яғни пайыздар бірінші күннен бастап есептеледі. Егер сізге ақша жіберу қажет болса, дебеттік картаны немесе басқа тәсілдерді қолданған дұрыс.

4. Бонустық бағдарламаларды пайдаланыңыз

Банктер кэшбэк, жеңілдіктер мен бонустық бағдарламаларды ұсынады. сатып алынған заттар үшін кредиттік картамен ақы төлеу арқылы қаражаттың бір бөлігін қайтарып алуға немесе балл жинауға болады. Алайда, бонустар  есептеу шарттарын ескеру маңызды.

5. Картаның қауіпсіздігін қамтамасыз етіңіз

Картаның деректерін үшінші тұлғаларға бермеңіз; Қиын PIN-кодтар мен құпиясөздерді қолданыңыз; Барлық операцияны бақылап отыру үшін SMS-хабарламаларды қосыңыз; Сатып алынған заттар үшін тек тексерілген сайттарда төлем жасаңыз; Картаны жоғалтқан кезде оны банк арқылы бірден бұғаттаңыз.

6. Қомақты сауданы жоспарлаңыз

Егер сіз қомақты сауда жасауды жоспарлап отырсаңыз, оны есеп айырысу кезеңінің басында жасаған дұрыс, осылайша сізде берешекті пайызсыз өтеуге көбірек уақыт болады.