Куба президенті АҚШ тың әскери соққы беру ықтималдығын айтты

Куба президенті АҚШ-тың әскери соққы жасау ықтималдығын жоққа шығармайды, деп хабарлайды Anadolu.

Гаванада Куба революциясының «социалистік сипаты» жарияланғанына 65 жыл толуына арналған шарада сөйлеген Мигель Диас-Канель АҚШ-пен қарым-қатынастағы шиеленісті атап өтті. Оның айтуынша, Кубаға қарсы әскери әрекет ықтималдығы бар.

– Біз соғыс қаламаймыз. Бірақ міндетіміз – оны болдырмау, ал егер ол орын алса – жеңіске жету. Күмәнданбаңыздар, Куба жеңіске жететін ел, – деді ол.

Президент елдің күрделі кезеңді бастан өткеріп жатқанын айтып, азаматтарды ықтимал басқыншылыққа дайын болуға шақырды. Ол АҚШ-тың Кубаға қатысты «көпқырлы агрессивті саясат» жүргізіп отырғанын және экономикалық қиындықтардың басты себебі – эмбарго екенін атап өтті.

Диас-Канельдің сөзінше, «кубиналық отбасылардың азап шегуіне АҚШ толық жауапты».

Ал АҚШ президенті Дональд Трамп қаңтарда Кубаға мұнай жеткізетін елдерге кедендік баж енгізу туралы жарлыққа қол қойған еді. Кейін сәуірде ол «Ираннан кейін Куба мәселесімен айналысуға болады» деп мәлімдеген.

Диас-Канель ықтимал басқыншылыққа қатысты: – Егер бұл орын алса, қақтығыс болады, күрес болады. Біз қорғанамыз, қажет болса – өлеміз, – деп түйіндеді.

Бүгін, 13:03