Лисаков қаласының тұрғындары Таза Қазақстан экологиялық бастамасын қолдайды

Қалалық саябақта көгалдандыру акциясы ұйымдастырылып, оған 123 белсенді тұрғын қатысты. Бірлескен әрі үйлесімді жұмыстың нәтижесінде 1150 көшет отырғызылды. Бұл қаладағы экологиялық жағдайды жақсартуға және жасыл қорды арттыруға елеулі үлес қосты. Мұндай іс-шаралар экологиялық мәдениетті қалыптастыруға және тұрғындардың азаматтық жауапкершілігін арттыруға ықпал етеді.

Сонымен қатар, «Таза Қазақстан» акциясы аясында 50 адам қатысқан велошеру ұйымдастырылды. Іс-шараға жастардың белсенді қолдау көрсетуі ерекше назар аудартады. Жастардың мұндай бастамаларға қатысуы өскелең ұрпақтың экологиялық санасының қалыптасып келе жатқанын көрсетеді.

— Бүгінде біз Лисаков қаласының тұрғындары өз қаласының тазалығы мен көркейтуіне шынайы мүдделі екенін көріп отырмыз. Тұрғындардың, әсіресе жастардың белсенді қатысуы экологиялық мәдениеттің қоғамдық өмірдің маңызды бөлігіне айналып келе жатқанын көрсетеді. Мұндай бастамалар қаланың келбетін жақсартып қана қоймай, адамдарды ортақ мақсат төңірегінде біріктіреді, — деді Лисаков қаласы әкімдігінің сәулет бөлімі басшысы Надежда Патрикеева.

Жалпы, атқарылған іс-шаралар «Таза Қазақстан» бағдарламасының негізгі міндеттерін жүзеге асыруға бағытталған, оның ішінде елді мекендерді абаттандыру, қоршаған ортаны қорғау және халықтың экологиялық мәдениетін арттыру бар.

Мұндай бастамалар алдағы уақытта да жалғасын тауып, өңірдің тұрақты дамуына өз үлесін қоса береді.