Мәдинадан шыққан ұшақ Алматыға жете алмай, басқа елге қонды

Медине – Алматы бағытындағы рейс кезінде жолаушылардың бірі өзін нашар сезініп, осыған байланысты экипаж Омандағы қосалқы аэродромға қону туралы шешім қабылдады, деп хабарлайды Tengri Travel.

Оқиғаға қатысты ақпаратты әуекомпания баспасөз қызметі растады. Алдын ала мәлімет бойынша, ұшу кезінде жолаушы есінен танып қалған.

"Медине – Алматы рейсін орындау кезінде жолаушылар бірінің денсаулығы нашарлады. Бортта оған қажетті көмек көрсетілді, алайда әрі қарай медициналық көмек алу үшін әуе кемесінің командирі Омандағы қосалқы аэродромға қону туралы шешім қабылдады", - деп атап өтті SCAT әуекомпаниясы.

Әуе тасымалдаушысының мәліметінше, қонғаннан кейін жолаушы медициналық қызметтерге тапсырылды.

Айта кетейік, бұған дейін әлеуметтік желілерде Алматы – Астана бағытындағы рейсті орындаған ұшақ бірден қона алмай, екінші айналымға кеткені туралы ақпарат пайда болды. Жолаушылар бұған техникалық ақау себеп болуы мүмкін деп болжады. Кейін бұл жағдайға қатысты әуекомпания баспасөз қызметі пікір білдірді.

Тағы оқыңыз: Алматы әуежайындағы бұзақылық: екі ер адам рейстен түсіріліп, жазаланды

Google News арқылы жаңалықтарымызды қадағалаңыз