Маңғыстау облысында ауылды су басты видео

АСТАНА, 3 шілде – Sputnik. Маңғыстау облысы Бейнеу ауылында 85 үй су астында қалды, деп хабарлайды Бейнеу аудандық әкімдігі.

Ауыл бойынша 85 үйдің ауласын жаңбыр суы басып қалған. Арнайы техникалардың көмегімен 7 000 текше метрден астам су сыртқа шығарылды.

"Қазіргі уақытта су сору және қалпына келтіру жұмыстарына 25 арнайы техника мен 37 қызметкер жұмылдырылған. Жұмыстар тәулік бойы үздіксіз жалғасып жатыр", - дейді әкімдікте.

Тұрғындардың қауіпсіздігін қамтамасыз ету және туындаған мәселелерге жедел ден қою мақсатында арнайы байланыс телефоны жұмыс істейді, деп хабарлады әкімдік.

Қазіргі уақытта тиісті мекемелер күшейтілген режимде жұмыс істеп жатыр.