Маңғыстау облысында тарихи туризмді дамыту жолдары талқыланды

Сенаторлар Маңғыстау облысында тарихи туризмді дамыту шараларын талқылады.

Әлеуметтік-мәдени даму және ғылым комитетінің көшпелі отырысында еліміздің туристік әлеуетін экономиканың басым бағыттарының біріне айналдыру жолдары мен кәсіпкерлерді саланы дамытуға тарту тетіктері сөз болды. Сонымен қатар инфрақұрылымды жетілдіру және ішкі туризмді ілгерілету жөніндегі шараларға ерекше назар аударылды. Комитет төрағасы Нұртөре Жүсіптің айтуынша, тарихи туризм ұлттық жадыны сақтау, отансүйгіштікке тәрбиелеу және Қазақстанның халықаралық бет-бейнесін нығайту құралы.

Нұртөре Жүсіп, ҚР Парламенті Сенатының депутаты:

- Біраз үлкен мәселелер ортаға салынды. Біз оны арнайы комитетте жинақтап, тиісті өкілетті органдарға ұсынамыз. Сол арқылы заңдық және құқықтық тұрғыдағы көтерілген мәселелерді шешуге ықпал етеміз.