Маңғыстау табиғатын әйгілейді

– Бозжыра – Маңғыстаудың ғана емес, Қазақстан­ның әлемге танылған ең көрікті орындарының бірі. Осы бірегей табиғи нысанды көру үшін өңіріміз­ге Еуропадан, Америкадан және басқа да елдерден туристер келеді. Менің мақсатым – әрбір турист туған еліне Маңғыстаудың бір бөлшегін, жылы естелігін алып қайтса екен. Сол себепті магниттер мен басқа да сувенирлер жоғары сапалы материалдан дайындалды. Маңғыстаудың сұлулығын естелік ретінде сақтап қалуға мүмкіндік беретін мұндай кәдесыйлар өңірдің туристік әлеуетін насихаттауға және Маңғыстауды әлемге кеңінен танытуға өз үлесін қосады деп сенемін,  деді жоба авторы Алмас Базархан.

Бір ай бойы әзірленген әрбір бұйымда Маңғыс­тау­дың табиғаты, тарихы мен ұлттық болмысы көрініс тапқан. Сувенирлер жоғары сапалы материалдардан дайындалып, ұзақ уақыт пайдалануға арналған.

Жоба авторы алдағы уақытта «Mangystau Collection» топтамасын жаңа өнімдермен толық­ты­рып, Маңғыстаудың мәдениеті мен табиғи ерек­ше­ліктерін кеңінен танытуды жоспарлап отыр.

Маңғыстау облысы