Медициналық әлеуметтік сараптамадан өтудің электрондық кезегі енгізіліп жатыр

АСТАНА, 31 шілде – Sputnik. Қазақстанда медициналық-әлеуметтік сараптамадан өтудің электрондық кезегі енгізіліп жатыр, деп хабарлайды еңбек және әлеуметтік қорғау министрлігі.

Медициналық-әлеуметтік сараптама аясында көзбе-көз куәландырудан өтуге арналған электрондық кезек сервисі енгізіліп жатыр. Қазіргі уақытта пилоттық жоба Ақмола облысы мен Алматы қаласында іске асырылып жатыр.

"Жаңа тетік азаматтарға МӘС бөлімшесіне барудың өзіне қолайлы күні мен уақытын алдын ала таңдауға мүмкіндік береді. Бұл қызмет алушыларды қабылдауды тиімді ұйымдастырып, күту уақытын қысқартуға ықпал етеді", - дейді министрлікте.

Сонымен қатар электрондық кезек келушілер легін жұмыс күні бойына біркелкі бөлуге мүмкіндік береді. Мамандар үшін де барынша қолайлы жағдай қалыптастырады.

Жоба іске қосылғаннан бері алдын ала жазылу мүмкіндігін 2,8 мыңға жуық адам пайдаланды.