Мерц Еуропаның Ресеймен Украина мәселесі бойынша келіссөздерге дайын екенін мәлімдеді

АСТАНА, 17 маусым - Sputnik. Германия канцлері Фридрих Мерц Еуропаның Ресеймен Украинадағы жағдайды бейбіт жолмен реттеу туралы келіссөздерге дайын екенін мәлімдеді.

Бұл туралы РИА новости жазды.

"Біз бейбіт келіссөздерге дайынбыз", - деді Мерц Франциядағы G7 саммиті барысындағы баспасөз мәслихатында.

Мерц мүмкін болатын келіссөздерге Еуропаның АҚШ-пен бірге қатысуы керектігін алға тартты.

"Бұл қашан да біздің ұстанымымыз болды: біз Украина мен Ресей, сондай-ақ Еуропа мен Америка келіссөздер үстеліне отыруы керек екенін айттық, ал бүгін (саммитте – ред.) бұл еш жерде де, ешқашан дау туғызбады", - деді Мерц.

Сонымен бірге Германия канцлері Еуропаның Киевке қолдауын күшейту бойынша алдағы жоспарларын жариялады.

"Біз Киевке қолдауымызды одан әрі күшейтуге ниеттіміз", - деді Мерц.

Ресей Сыртқы істер министрлігі бұған дейін Еуропаның Украина келіссөздеріне кірмейтінін мәлімдеген.