Мерц Зеленскийдің Трамппен кездескеннен кейін өзіне не айтқанын жеткізді

АСТАНА, 18 қазан — Sputnik. Владимир Зеленскийдің АҚШ-қа сапары оның көңілінен шықпады, деді Германия канцлері Фридрих Мерц. Оның сөзін N-tv келтірді, деп жазады РИА Новости.

"Сапар Зеленский қалағандай болмады", - деді ол Киев режимінің басшысымен сөйлескенін айтып.

Мерц Украинаға еуропалық тараптың көмек көрсетуді жақтайтынын айтты.

Жұма күні Трамп Вашингтонда Зеленскиймен кездесті. CNN хабарлағандай, "тікелей және ашық" әңгіме барысында Трамп Зеленскийге алыс қашықтыққа ұшатын зымырандар берілмейтінін анық айтты. Өз кезегінде, Axios порталы келіссөздер оңай болмағанын, ал америкалық көшбасшы қатал ұстаным танытқанын жазды. Басылымның бір дереккөзі тіпті "олар нашар өтті" деп сипаттады.

Батыстың басқа да ақпарат құралдары Зеленский өз мақсаттарына, соның ішінде Tomahawk зымырандарын алуға да қол жеткізе алмағанын атап өтті.