Бұрынғы жігітімен кездескеннен кейін ауыр жарақаттардан көз жұмды іс “абайсызда өлімге әкеп соғу“ ретінде тергелуде

Ақмола облысында беті қайтарылған жігіт екі баланың анасын соққыға жығып, өлтірді. Бұл туралы марқұмның туыстары мәлімдеді. Олар күдіктінің іс-әрекеті тым жеңіл сараланған деп санайды және қылмысты неғұрлым қатаң бап бойынша саралауды талап етіп отыр. Ақмола облыстық полиция департаменті іс тергеліп жатқан бапты жариялады, деп хабарлайды Tengrinews.kz тілшісі.

Ақмола облысында беті қайтарылған жігіт екі баланың анасын соққыға жығып, өлтірді. Бұл туралы марқұмның туыстары мәлімдеді. Олар күдіктінің іс-әрекеті тым жеңіл сараланған деп санайды және қылмысты неғұрлым қатаң бап бойынша саралауды талап етіп отыр. Ақмола облыстық полиция департаменті іс тергеліп жатқан бапты жариялады, деп хабарлайды Tengrinews.kz тілшісі.

Ақмола облысы полиция департаментінің мәліметінше, әйел адамның өлімі дерегіне қатысты 106-баптың 3-бөлігі ҚК "Абайсызда жәбiрленушiнiң өліміне әкеп соққан денсаулыққа қасақана ауыр зиян келтіру" бабы бойынша қылмыстық тергеу жүргізіліп жатыр.

Анықтама: Бап санкциясында сегіз жылдан он екі жылға дейінгі мерзімге бас бостандығынан айыру жазасы көзделген. Сонымен қатар мүлкі тәркіленуі мүмкін.

Полицияның алдын ала мәліметі бойынша, жанжал кезінде ер адам әйелге дене жарақатын салған, соның салдарынан ол кейін қайтыс болды.

Күдікті ұсталып, уақытша ұстау изоляторына қамалды.

Бұған дейін әлеуметтік желілерде қазақстандық әйелдің қазасы туралы мәлімдеме жарияланды, туыстары бұл жағдайды оның бұрынғы жолдасымен болған жанжалмен байланыстырады.

Жарияланымға сәйкес, әйел біраз уақыт бойы ер адаммен қарым-қатынаста болған, бірақ ол агрессия таныта бастағаннан кейін онымен байланысын үзген. Әйелдің туыстарының сөзіне қарағанда, ер адам бұл шешіммен келіспей, оның соңына түскен. Бірнеше күн бұрын ол бұрынғы серігімен кездесуге келіскен. Ер адам оны пәтерге алып келіп, түні бойы соққыға жыққан.

Туыстарының мәлімдеуінше, әйелден қозғалыс белгілері байқалмаған соң, ер адам алдымен оның денесіндегі және пәтердегі қан іздерін жуып-шаюға тырысқан, содан кейін ғана жедел жәрдем шақырған. Олардың айтуынша, ол медицина қызметкерлеріне зардап шегуші батареяға соғылып қалды деп хабарлаған.

"Сіңілімнің қабырғалары сынып, бауыры езілген, бүкіл денесі мен беті соққы іздеріне, көгерулер мен гематомаға толы. Мұндай жарақаттарды батареяға оқыс соғылғаннан болды деу мүмкін емес", - деп жазды туысы.

Бұған дейін отбасы оқиға фактісі бойынша полиция "Абайсызда өлімге әкеп соғу" бабымен іс қозғағанын мәлімдеген болатын. Алайда олар мұндай саралаумен келіспейді және бапты қатаңдатуды талап етеді.

Тағы оқыңыз: Нұрай ісі бойынша тергеу аяқталды – отбасы адвокаты