Михаил Шайдоров жалақысы туралы мәлімдеген Спорт министрлігіне ренішін білдірді

Миланда өткен қысқы Олимпиада ойындарының алтын медаль иегері Михаил Шайдоров Спорт және туризм министрлігінің өзіне қатысты жарияланған ақпаратқа ренішін білдірді, деп хабарлайды Egemen.kz.

Жақында ғана Спорт және туризм министрлігі мәнерлеп сырғанаушы Михаил Шайдоров пен оның командасының дайындығына жұмсалған қаржы туралы ақпарат таратқан еді. Ведомство спортшыға мемлекеттік қолдау тетігі барлық кезеңде көрсетілді дегенмен, спортшы толыққанды қолдау тек соңғы маусымда ғана көрсетілгенін айтады. Tengrinews-ке берген сұхбатында М. Шайдоров өзінің жалақысы туралы құпия ақпараттың дүйім жұртқа жария болғаны оның көңіліне қаяу түсіргенін жасырмады.

«Менің жалақым туралы ақпараттың көпшілікке жария болғаны көңілімді түсіргені рас. Жеке ақпараттың бұлай жариялануы орынсыз деп санаймын. Шыққан шығынға неге ерекше назар аудару керек болды екен, түсінбеймін. Мен жай ғана үзіліссіз жаттығып, нәтижеге жетуге тырыстым», деді ол.

Мәнерлеп сырғанаушы ешқашан қолдаудың жоқтығына шағымданбағанын, алған қаражаттың барлығын тек дайындыққа жұмсағанын атап өтті. Оның пікірінше, спортта жүлденің құны тек нәтижемен бағалануы тиіс.

Олимпиада ойындарының жабылу салтанатында Қазақстан туын Михаил Шайдоров алып шықты

Сондай-ақ спортшы шығындардың едәуір бөлігін отбасы мен демеушілер көтергенін айтты. Алайда олар бұл туралы еш жерде жарияламаған.

М. Шайдоровтың айтуынша, мәнерлеп сырғанаудағы көптеген шығындар заңда қарастырылмаған. Мәселен, мамандардың шұғыл ұшақпен қатынауы, оқу-жаттығу жиындарынан тыс тұратын баспана, тәуліктік шығындар, костюмдер, музыкаға лицензиялар сияқты шығындар спортшының өз есебінен төленеді.

Димаш Құдайберген Михаил Шайдоровқа көлік сыйлайтын болды

Оның айтуынша, ол 2025 жылы әлем чемпионатында күміс медаль алғаннан кейін ғана оның жалақысы өсіп, бапкерлер мен мамандардың еңбегі төлене бастаған. Алматы мен Астанадағы мұз айдындары дайындыққа беріліп, алғаш рет бағдарламалары мен костюмдері, дәрігер қызметі қаржыландырылған. Бұған дейін ол ұзақ уақыт бойы ең болмағанда ең төменгі жалақыны көтеруді сұраған. Себебі оның қаражаты тіпті базалық дайындыққа да жетпеген.

Айта кетейік, 21 жастағы Михаил Шайдоров мәнерлеп сырғанаудан Олимпиада чемпионы атанды. Мемлекет басшысы Қасым-Жомарт Тоқаев Михаил Шайдоровты қысқы Олимпиада ойындарының чемпионы атануымен құттықтады. Президенттің шешімімен Михаил Шайдоров II дәрежелі «Барыс» орденімен наградталды.

Соңғы жаңалықтар

AERC: Жаңа үйлердің бағасы қымбаттауы мүмкін

Қоғам • Бүгін, 15:47

Таразда жол белгілерінің дұрыс орнатылмауы салдарынан жүргізушілерге 345 млн теңге айыппұл заңсыз салынған

Қоғам • Бүгін, 15:40

2025 жылы 83 ауыл жойылды: Елді мекендердің ертеңгі тағдыры қандай?

Ауыл • Бүгін, 15:30

Спортшылар мен өнер майталмандары Ата заң жобасын қолдауға шақырды

Ата заң • Бүгін, 15:23

LRT-ға кассирлер керек: CTS компаниясы үміткерлерге қандай талап қойып отыр?

Қоғам • Бүгін, 15:18

Президент Air Astana компаниясының бас атқарушы директорын қабылдады

Президент • Бүгін, 15:08

Айыппұл өссе де адам өлімі азаймай тұр? Сарапшы не дейді?

Құқық • Бүгін, 14:42

Президент Жапония Императорын туған күнімен құттықтады

Президент • Бүгін, 14:32

Геологиялық барлау саласындағы 20 жоба қаржыландырылады

Үкімет • Бүгін, 14:22

Аида Балаева: Жаңа Ата заң адам құқығы мен бостандығын басты орынға қояды

Ата заң • Бүгін, 14:10

Енді ХҚКО-дан құжатты тәуліктің кез келген сәтінде алып кетуге болады

Қоғам • Бүгін, 14:04

Онлайн-казинодан түскен табыс тәркіленді: Porsche мен Lexus мемлекет кірісіне өтті

Қоғам • Бүгін, 13:51

Түркістан әуежайына 14,3 млн теңге айыппұл салынды

Аймақтар • Бүгін, 13:45

Жетісуда жас кәсіпкер қол ашытқымен пісірелетін нан өндірісін жолға қойды

Өндіріс • Бүгін, 13:28

Алтынкөл – Қорғас торабының өткізу қабілеті екі есеге жуық артады

Логистика • Бүгін, 13:11

Барлық жаңалықтар