Миллиардтаған шығын және жүздеген іс: ҰҚК сыбайлас жемқорлықпен күрес туралы есеп берді

Қазақстанда 2026 жылдың шілде мен тамыз айларында 201 сыбайлас жемқорлық құқық бұзушылығы тіркелді. Қылмыстық істер бойынша 140 адам күдікті деп танылды, ал келтірілген шығын көлемі 3,7 миллиард теңгені құрады. Бұл туралы ҰҚК баспасөз қызметіне сілтеме жасап Tengrinews.kz хабарлайды.

Комитет мәліметінше, шілде мен тамызда сыбайлас жемқорлыққа қарсы іс-қимыл қызметінің бөлімшелері 201 құқықбұзушылықты тіркеді. Анықталған фактілердің басым бөлігі парақорлықпен, жымқырумен, алаяқтықпен, сондай-ақ лауазымдық өкілеттіктерді теріс пайдаланумен және асыра пайдаланумен байланысты.

Қылмыстық істер бойынша 140 адам күдікті деп танылды.

Екі айдың ішінде ҰҚК қызметкерлері 126 қылмыстық істі тергеп-тексеруді аяқтады. Оның 110-ы әрі қарай қарау үшін сотқа жолданды.

Бұл ретте аяқталған қылмыстық істер бойынша келтірілген шығын көлемі 3,7 миллиард теңгені құрады.

Еске сала кетейік, бұған дейін жыл басынан бері ҰҚК полициямен бірлесіп және прокуратураның үйлестіруімен еліміздің бірқатар өңірлерінде 24 қылмыстық топ қатысушыларының әрекетін тоқтатқаны хабарланған болатын.

ҚАЗІР ТАЛҚЫЛАНЫП ЖАТЫР

Астана-1 вокзалын жөндеу: қашан аяқталады және қазіргі жағдайы қандай?

05 қыркүйек 14:58 1

Google News арқылы жаңалықтарымызды қадағалаңыз