Министрлік Қазақстан Ресей әскери жаттығуына қатысты түсініктеме берді

Қазақстан Республикасы мен Ресей Федерациясы Әуе шабуылына қарсы қорғанысының бірыңғай өңірлік жүйесі бойынша бірлескен іс-шаралар жоспарына сәйкес 2026 жылғы 20 ақпан мен 10 наурыз аралығында Әуе шабуылына қарсы қорғаныс әскерлерінің жоспарлы жаттығуы өткізіліп жатыр.

— Жаттығу барысында әуе нысандарын анықтау және сүйемелдеу, әуе кеңістігін бұзған әуе кемелерін ұстап қалу, сондай-ақ оларды белгіленген әуеайлақтарға қонуға мәжбүрлеу міндеттері пысықталып жатыр. Іс-шара жоспарлы сипатқа ие және әуе шабуылына қарсы қорғаныстың кезекші күштерінің өзара іс-қимыл деңгейін, жауынгерлік машығын және дайындығын арттыруға бағытталған. Азаматтар мен бұқаралық ақпарат құралдары өкілдерінен тек ресми ақпарат көздеріне сеніп, расталмаған мәліметтерді таратпауын сұраймыз, — делінген ведомство хабарламасында.

Бұдан бұрын Қорғаныс министрлігі әскерге шақыру тәртібі мен оған қатысты заңсыздықтар туралы ескерткенін жазғанбыз.