Моңғолияда Жылқы күні мерекесі өтті

Іс-шараға 13 аймақ пен 3 ауданнан келген 37 шабандоз қатысқан.

Фото: montsame Фото: montsame

Шараның негізгі мақсаттары — қысқы туризмді қолдау, көшпелі өмір салты мен жылқы шаруашылығын насихаттау, моңғол жылқысының құндылығын арттыру, материалдық емес мәдени мұраны сақтау, дәстүрді жас ұрпаққа жеткізу және жылқы брендингін қалыптастыру.

Фото: montsame

Бағдарлама шабандоздар шеруімен басталып, дәстүрлі жарыстарды қамтыды. 

Фото: montsame

Атап айтқанда, толық шабыс кезінде жерден урга мен қамшы ілу, жылқы ұстау және үйрету, сондай-ақ жаяу жүріп арқан мен урга лақтыру сайыстары өтті.

Фото: montsame Фото: montsame

Жарыс қорытындысы бойынша бірінші орынды Төв аймағы Батсүмбэр сомонынан келген жылқышы Р.Пүрэвдорж иеленді. Екінші орын Дорноговь аймағы Дэлгэрэх сомонының өкілі Ц.Гомбодоржға бұйырды. Үшінші орын Хэнтий аймағы Мурун сомонынан О.Цолмонбаатарға, төртінші орын Булган аймағы Баян-Нуур сомонынан Б.Баянбаатарға, ал бесінші орын Төв аймағы Аргалант сомонынан Б.Баасансуққа берілді.

Фото: montsame Фото: montsame

Сонымен қатар ұлттық киімдегі ең үздік қатысушы анықталып, қонақтарға дала шайы ұсынылды.

Фото: montsame Фото: montsame

Бұдан бөлек, моңғолдың бақташы және аңшылық ит тұқымдарының таныстырылымы ұйымдастырылып, отандық өндірушілердің сауда аймақтары жұмыс істеді. 

Фото: montsame

Айта кетелік 2026 жылғы Қысқы Олимпиада ойындарына қатысатын Моңғолия ұлттық құрамасының салтанатты және күнделікті формалары алғаш рет көрсетілген еді.